Manjani: Rama shtron iftare elektorale, por kokën e ka nga Turqia

Ish-ministri i Drejtësisë, Ylli Manjani në një status këtë të hënë në Facebook shkruan se kryeministri Edi Rama, në kohën kur ishte kryetar bashkie i shkelte me këmbë ritet fetare të myslimanëve, ndërkohë sot shtron iftare elektorale dhe flet për Perendimin, por kokën e ka nga Turqia dhe mendjen nga Rusia.

“Vetëm për të ngrënë ulet me ta. Në të vërtetë, Qeveri e tepsisë është”, shprehet Manjani.

Postimi i Ylli Manjanit:

Po kur bën sikur i respekton Muslimanët!!!

Vite më parë, kur ishte Kryetar i Bashkisë, i shkelte me këmbë (literalisht) ritet fetare të tyre.

Sot shtron iftare elektorale dhe flet për perëndimin, por me kokë nga Turqia dhe mendje nga Rusia.

Kjo foto tregon në të vërtetë se sa “i respektshëm” është. Vetëm për të ngrënë ulet me ta.

Në të vërtetë, Qeveri e tepsisë është!