Manjani: Vdekja e shqiptarëve nga keqqeverisja, paraqiten si statistikë

Ish-ministri i Drejtësisë, Ylli Manjani, përmes një postimi në facebook, thotë se politika në vend, e ka quan tragjedi ndarjen nga jeta e senatorit amerikan, John Mccain, ndërsa për vdekjet nga keqqeverisja, Manjani thotë se paraqiten si statistikë. ”Të dyja, tragjedinë dhe statistikën, i harrojmë shpejt! Sapo mbaron lajmi i harrojmë. Hipokrizi bajate”,-shkruan Manjani.

Postimi i Manjanit

Vdekjen nga kanceri të një 80 vjeçari, senator dhe ish kandidat për President në USA, lajmet dhe Politika na e paraqesin si TRAGJEDI.

Ndërsa vdekjen e 8, 10, 100 e më shumë shqiptarëve nga armët, aksidentet e keqqeverisja, na e paraqesin si STATISTIKË.

Të dyja, tragjedinë dhe statistikën, i harrojmë shpejt! Sapo mbaron lajmi i harrojmë…

Hipokrizi bajate!