Matteo Salvini: Faleminderit Shqipërisë, turp Francës

Ministri i Brendshëm i Italisë, Matteo Salvini ka falenderuar sot qeverinë shqiptare për marrjen e 20 emigrantëve nga Eritrea që janë bllokuar në portin e Katanias.

Në një takim me aktivistë të partisë së tij, Salvini tha se Franca refuzoi të merrte emigrantët ndërsa Shqipëria, një vend që nuk është në BE, u tregua e gatshme.

“Disa prej tyre do të shkojnë në Shqipëri. Unë falenderoj qeverinë shqiptare që u tregua më serioze se qeveria franceze. U them faleminderit shqiptarëve e turp t’u vijë francezëve! Disa prej emigrantëve do të shkojnë në dy vende të tjera europiane e emigrantët që do të mbeten në Itali do të merrren në kujdes të Kishës katolike”, ka thënë ministri i Brendshëm i Italisë.

Prej disa ditësh, anija ushtarake italiane “Diciotti” me rreth 177 emigrantë nga Eritrea ka shkaktuar një incident ndërkombëtar mes BE dhe Italisë.

Natën e 15 gushtit një gomone që mbante emigrantët nga Eritra ndodhej në det të hapur dhe kërkoi ndihmën e rojës bregdetare të Maltës. Autoritet e Maltës refuzuan ta ndihmonin. Gomonia hyri në ujerat territoriale të Italisë. Anija ushtarake “Diciotti” i mori në bord dhe u ankorua na Katania. Ministria e Brendshme Italiane nuk pranoi që emigrantët të zbrisnin në territorin italian, duke kërkuar që nga vendet e BE të respektojnë marrëveshjen për kuotat e emgrantëve. Ndërkohë që ministri i Brendshëm Matteo Salvini ka deklaruar se nëse BE nuk merr kuotat e saj të emigrantëve Italia do të ndërpresë fondet që jep në union për emigracionin.

Sot ndaj Salvinit kanë nisur hetime të prokurorisë në Itali për shkelje të ligjeve të trajtimin e emigrantëve duke mos i pritur në territorin italian, por duke i bllokuar në anije.

https://www.facebook.com/salviniofficial/videos/289290658531578/