Mazhoranca në seancë, opozita proteston

Këtë të mërkurë Kuvendi do të mbajë seanca e radhës plenare. Kreu i Kuvendit vendosi që këtë javë seanca të zhvillohet të mërkurën në orën 10:00.

Nga ana tjetër, opozita u shpreh e vendosur se protestën e radhës do ta zhvillojë paralel me seancën, ndërsa qytetarët do të mblidhen jashtë godinës së Parlamentit në orën 09:30.

Opozita e bashkuar proteston për zgjedhje të parakohshme pa Edi Ramën dhe për një qeveri tranzitore. Kjo është protesta e 8-të e opozitës.

Sot pritet të jenë në dispozicion forca të shumta policore, të cilët rrethojnë Kuvendin nga të gjitha anët, si dhe në institucione të tjera pranë saj. Po ashtu, mësohet se peshën kryesore të protestës së sotme do ta mbajnë të rinjtë e FRPD-së.