Mediat serbe paralajmërojnë takimin e Ana Brnabic me Haradinajn dhe Ramën

Gazeta serbe “Danas” shkruan se së shpejti mund të zhvillohet një takim ndërmjet Qeverisë së Kosovës, të Shqipërisë dhe asaj të Serbisë.

Duke cituar burime diplomatike gazeta shkruan se takimi mund të ndodhë shumë shpejt, por pa pasur një datë të caktuar.

“Ky takim trelateral tashmë është paralajmëruar, e kur të kihen parasysh projektet e iniciuara të procesit të Berlinit, ka të dhëna se një takim i tillë mund të zhvillohet në Nish”, shkruan “Danas”.

“Beogradi, Tirana dhe Prishtinë do të kenë levërdi nga projektet e përbashkëta, sikur që është ndërtimi i autostradave”.

“Danas” shkruan se Qeveria e Serbisë ende nuk ka një qëndrim se si do të sillet kryeministrja Ana Brnabiç, gjatë takimeve rajonale ku do të marrë pjesë edhe kryeministri Ramush Haradinaj./indeksonline