Mediu rrëfen çfarë i tha Basha për marrëveshjen me Ramën

Politikë E Diel, 23 Maj 2021 14:34

Deri më tani nuk ka asnjë informacion zyrtar, që të zbulojë marrëveshjen e cila ende po përpunohet nga Kryeministri Rama së bashku me kreun e PD-së, Lulzim Basha, kjo në takim që ka nisur që prej orës 10:00 tek Pallati i Kongresëve.

Për më shumë nga kjo marrëveshje, ka zbuluar kreu i Partisë Republikane, Fatmir Mediu, i cili ka treguar se çfarë i komunikoi Basha për paktin e arritur me kryeministrin Rama.

Pas daljes nga takimi nga zyra e ish-kryeminstrit Berisha ku ishte dhe Presidenti i zgjedhur, Ilir Meta, kreu i PR-së në një prononcim për mediat, u shpreh se do të ketë një marrëveshje me vlerë mes dy liderve.

“Jam takuar fare shkurt dje me Bashën, do ishim në udhëtim për SHBA por që e anulluam për shkak të marrëveshjes. Shpresoj t’ja vlejë se ishte një udhëtim shumë i rëndësishëm. Nuk folëm gjatë, për shkak të raportit konfidencial të marrëveshjes me Ramën. Më tha se është një marrëveshje e qëndrueshme. Sot folëm dhe ramë dakord që pasi të mbarojë takimi me Ramën të ketë takim me aleatët”, tha Mediu për mediat.

Kreu i PR-së, theksoi se shpreson që marrëveshja është një qëndrim që ka të bëjë me interesat e shqiptarëve. I pyetur për datën e zgjedhjeve, Mediu theksoi se “nuk kam ide kush mund të jetë data, nuk e di, sipas paketës McAllister është data 16, nëse ka datë tjetër duhet të ketë arsyetim të arsyeshëm pse ka datë tjetër”.