Mesila Doda: Të rinumërohen votat në gjithë Tiranën. Kanë ndodhur skandale

Nisur nga rezultati që po nxjerrin kutitë e votimit në Tiranë, deputetja e PDIU, Mesila Doda ka kërkuar rinumërimin e gjithë qendrave të votimit në Kryeqytet.

Doda shprehet se asnjë kuti votimi, pas rinumërimit nuk ka të njëjtin rezultat me atë që komisionerët kanë nxjerrë më 25 qershor.

“Deri tani asnje kuti votimi nuk ka te njejtin rezultat si ne procesverbale. I domosdoshem numerimi i gjithe Tiranes, kane futur duart ne votat e pavlefshme, kane pervetesuar e vjedhur sa kane mundur nga votat e partive te tjera, kane shkaterruar gjithe procesin.

I bej thirrje gjithe Frontit opozitar… Te kerkojme numerimin e gjithe Tiranes. Mandatet jane vjedhur e kane levizur ne tavoline.

Kjo nuk eshte e nuk mund te jete beteje per nje mandat, por per te shpetuar sistemin nga manipulimi e tjetersimi i vullnetit te zgjedhesve”,- shkruan Doda.