Meta dekreton rektorin e Akademisë së Studimeve Albanologjike

Presidenti i Republikës, Ilir Meta ka dekretuar pasditen e së enjtes rektorin e ri të Akademisë së Studimeve Albanologjike. Sipas një njoftimi për shtyp të Presidencës, ai është Marenglen Verli, i emëruar me propozim të Ministrisë së Arsimit dhe Sportit. Dekreti, i cili hyn në fuqi menjëherë, është bërë në bazë të nenit 92 të Kushtetutës së Shqipërisë, thuhet më tej në njoftimin zyrtar.