Ministrat teknikë nuk largohen, të paktën deri në shtator

Qeveria aktuale ka ende Ministra teknikë të PD-së edhe pse Kryeministri Edi Rama, u shpreh se nëse PS del forcë e parë e që rezultoi e tillë, ministrat do të largoheshim. Por sot ndodh e kundërta, pasi ata mund të qëndrojnë të paktën deri në shtator.

“Në rast se 25 Qershori do të zgjedhë PS-në në krye të qeverisë, ata s’do jenë më ministra. Ata janë ministrja teknikë dhe do të largohen, nëse ne fitojmë zgjedhjet”, u shpreh Rama me 1 Qershor në “Opinion”.

Nga ana e tyre ministrat teknikë të PD-së deklarojnë se do të vijojnë detyrën e tyre, sipas Kushtetutës.

“Ne jemi në detyrë. Vazhdojmë punën. Jemi dekretuar nga presidenti dhe kaq. Kryeministri dhe ministrat janë të detyruar të qëndrojnë në detyrë deri në formimin e Këshillit të Ministrave pasardhës”, shprehen ata.

Me ardhjen e tyre në qeveri, ministrat teknikë nisën një valë shkarkimesh të punonjësve të administratës, duke e motivuar me përfshirjen e tyre në fushatë për partitë përkatëse, PS apo LSI. Pas situatës së krijuar, kryeministri në deklarata e bëra, gjatë fushatës tha se këta ministra do të largoheshin me datë 26 Qershor.