Ministri i Brendshëm shpërthen ndaj Kodhelit: Më shkarkoi në kulimin e karrierës, por…

Politikë E Diel, 30 Maj 2021 13:10

Mban mbi supe dekoratën “Nderi i Kombit” si dhe 24 të tjera në ushtri e 27 në sport dhe shpesh kemi dëgjuar ta thërrasin “Rambo” në ushtri.

Po flasim për ministrin e Brendshëm, Dritan Demiraj, i cili ishte i ftuar sot në emisionin “Kjo javë” në News 24, aty ku deklaroi me keqardhje që vlerësimet dhe dekoratat nuk e ndaluan ministren e Mbrojtjes, Mimi Kodheli ta shkarkonte nga detyra më 18 dhjetor 2014, pas 31 vitesh kontribut, për shkak se ishte larguar pa leje jashtë shtetit.
Demiraj ne News24

Duke iu rikthyer kësaj ëështjeje të nxehtë Demiraj ka shpërthyer sërish ndaj Kodhelit duke e akuzuar për shkelje konstante të ligjit.“Shkarkimi im ishte tërësisht i paligjshëm, isha në kulmin e karrerës sime, por tani jo s’ka shumë rëndësi”,- tha Demiraj.