Ministri Xhafaj dhe drejtori Veliu në vendngjarjen e vrasjeve

Ministri i brendshëm Fatmir Xhafaj dhe drejtori i përgjithshëm i policisë së shtetit, Ardi Veliu kanë shkuar në vendngjarje, në fshatin Resulaj, për të ndjekur operacionin e policisë për kapjen e autorit të masakrës që shkaktoi tetë viktima, mes tyre fëmijë dhe gra.

Për kapjen e autorit të krimit janë angazhuar qindra forca policore, ndër më të kualifikuarat. Mësohet se autori është i pajisur me automatik dhe municion të bollshëm çka e bën atë të rrezikshëm edhe për banorët e tjerë.