Monika Kryemadhi: Farudin Hoxha, një njeri që kontribuoi për vendin

Kryetarja e LSI-së, Monika Kryemadhi ka shprehur ngushëllimet për ndarjen nga jeta të akademikut, Farudin Hoxha.

Kryemadhi shpreh se Hoxha është një prej akademikëve që la vepra të prekshme për gjithë vendin.

“Mësova lajmin e trishtë të ndarjes nga jeta të Profesor Farudin Hoxhes, të njeriut e punëtorit të palodhur, të Akademikut fjalëpak e punëshumë, kontributet e të cilit janë të prekshme në të gjithë vendin!”,- shprehet Kryemadhi.

Kryetarja e LSI-së shton se “edhe pse nuk e kam njohur personalisht, njoh e nderoj dimensionet e emrit e të kontributit të tij të vyer, ndaj bashkë me nderimin për gjitha sa Profesor Farudin Hoxha i ka dhënë e i la Shqipërisë, shpreh keqardhje e dhembje për largimin nga jeta të një njeriu e qytetari, që jo gjithmonë mori gjatë këtyre 27 viteve të fundit mirënjohjen e nderimin që meritonte! U prehtë në paqe!”.

Ndahet nga jeta Farudin Hoxha