Monika Kryemadhi: Të flasë Saimir Tahiri për 150 mijë euro…

Zëvendëskryetarja e LSI-së Monika Kryemadhi denoncon se “të gjithë emërimet që janë bërë në arsim përmes portaleve janë të paligjshme”.

Në emisionin”Të pa ekspozuarit”, Kryemadhi tha se s’kemi ligj, pasi kush është i pari në portal futet në punë, por s’ka ligj”.

Tani tha ajo, po bëjnë një ligj që ta bëjnë të ligjshme këtë proces që ka 4 vite i paligjshëm.

“Po shkatërrojmë shkollat e mesme, kemi shkatërruar universitetet me ligjin për arsimin e lartë. E di se çka ndodhur?

Në banjot e drejtorive arsimore janë gjetur deri në 150 mijë euro, pyesni Sajmir Tahirin se tani është më i qetë dhe mbase flet. Kontrolloni drejtorët e drejtorive arsimore dhe shikoni si janë bërë emërimet”, është shprehur mbrëmë zv/kryetarja e LSI-së, Monika Kryemadhi.