Mustafaj: Kanabisi ndikim në zgjedhje

I ftuar këtë mëngjes në News24 ish-deputeti i PD-së, Besnik Mustafaj ka kërkuar dorëheqjen urgjente të Lulzim Bashës. Gjithashtu Mustafaj foli edhe për procesin zgjehdor dhe Ramën. Ai u shpreh se në rezultatet e votimeve ka ndikuar edhe kanabisi. Mutafaj tha se populli shqiptar nuk është aq i papjekur sa t’i japë votën Ramën vetëm se ua kërkoi, por ndikim kryesor ka patur edhe kanabisi.

“Ka ndikuar kanabisi 10 ditët e fundit. Nuk është aq e papajekur populli sa tii japë votën Ramën vetëm pse ai e ka kërkuar atë duke thënë ma hiqni nga preri Metën apo me fjalët tepsia dhe me këto mori më shumë se 50 %. Ndikimin kryesor e kanë paratë e kanabisit.” – tha Mustafaj.

Mustafaj gjithashtu tha se kjo është një fatkeqësi, pasi Shqipëria ka mbetur vetëm në duart e Edi Ramës, duke e cilësuar kryeministrin si një ‘lider që qeveris keq, arrogant dhe abuzues me pushtetin’. Ai foli edhe për rrezikun që vjen nga ky rezultat.

“Fatkeqësisht Rama ka shumicën e mjaftueshme për të qeverisur vetëm. Shqipëria e mbetur vetëm në duart e Edi Ramës, lider që qeveris keq, është arrogant dhe abuzues me pushtetin. Të gjitha këto vese mund të lulëzojnë gjatë kësaj kohe kur e ka pushtetin të pakufizuar. Rama nuk i njeh limitet e veta dhe pushteti i tepërt do kthehet kundër PS-së. Por mua më shqetësojnë zullumet. Ai guxonte ta trajtonte pushtetin e medias me arrogancë, imagjino çfarë mund të bëjë nesër?!” – u shpreh Mustafaj.