Negociatat, Kodheli dhe Hajdari: Gjermania insistuese në zbatimin e reformave

Kryetarja e Komisionit për Politikën e Jashtme Mimi Kodheli ndodhet për një vizite pune në Gjermani me ftesë të homologut të saj Dr. Röttgen. Në këtë vizitë, deputetja socialiste Kodheli shoqërohet nga anëtarja e KPJ, deputetja e PD-së Rudina Hajdari.

Gjatë ditës së parë të vizitës, Kodheli u takua me Thorsten Frei deputet i CDU-së dhe raporter për Shqipërinë, ku u diskutua për kryetemën e ditës; hapjen e negociatave me vendet e BE.

“Gjermania është një prej vendeve sa insistuese në zbatimin e reformave të filluara po aq edhe mbështetëse për hapjen e negociatave”- thuhet në njoftimin e Kuvendit në lidhje me këtë takim.

Në takimin me këshilltarin e Kancelares Merkel, Joachim Bertele, u vlerësuan reformat e realizuara nga vendi ynë deri më tani ashtu sikurse u dha mbështetje për vijimin e mëtejshëm të tyre.