Gjermania zyrtare: Nuk ka zgjedhje pa opozitë

Nënkryetari i grupit parlamentar të CDU/CSU në Bundestag, Johann Wadephul shprehet në një deklaratë, se ekziston një situatë e re politike në Shqipëri dhe se partitë duhet ta pranojnë vendimin e presidentit Meta për të shtyrë zgjedhjet. Ai pohon në mënyrë të veçantë se nuk ka BE pa zgjedhje me opozitën.

Ndër të tjera ai shprehet se “Në Evropë, çdo qeveri duhet të pranojë një opozitë kritike, dhe çdo opozitë duhet të pranojë një qeveri efektive. Kjo është një bazë qenësore për një shtet të qëndrueshëm dhe demokratik. Nëse Shqipëria dëshiron të përshkojë këtë rrugë drejt Evropës, sigurisht që do të marrë çdo mbështetje nga Gjermania”.