Nënkryetari i LRI: Po bëjmë shtet! Ja si trajtohen shitësit e zarzavateve

Nënkryetari i Lëvizjes Rinore për Integrim, Klevi Pojana denoncon goditjen që u bëhet qytetarëve të thjeshtë të cilët shesin fruta-perime.

“Vini re! Vini re! Sapo u bë sekuestrimi në flagrancë i disa produkteve me rrezikshmëri të lartë shoqërore! Xhandarmëria arriti të bllokonte në kohë rekord disa eksponent kriminal që në bashkëpunim konsumonin veprën penale të kultivimit dhe shpërndarjes së zarzavateve dhe perimeve!

Me qëllim ruajtjen e rendit publik, nxitjen e ekonomisë dhe zhvillimit e procesit shtetbërës materialet e sekuestruara do ti kalojnë organeve të drejtësisë vetingase”, shkruan Pojana.