Nënshtetësia e Janullatos, Theodoros Pangalos vlerëson Ilir Metën

Politikë E Martë, 20 Korrik 2021 13:06

Theodoros Pangalos politikani i njohur grek ka falenderuar Presidentin Ilir Meta për dhënien e nënshtetësisë shqiptare për Kryepeshkopin Anastas Janullatos.

Në një mesazh dërguar kreut të shtetit shqiptar, Pangallos e vlerëson dhënien e shtetësisë si Januallaost si një gjest vlerësimi për një njeri që u ka shërbyer jo vetëm të shqiptarëve të krishterë ortodoksë por edhe të gjithë shtetasve të tjerë në nevojë pavarësisht bindjeve fetare.

Mesazhi i Theodoros Pangalos

“Ju falenderoj dhe ju përgëzoj për dhënien e nënshtetësisë shqiptare për Fortlumturinë e Tij, Kryepeshkopin Anastas Janullatos”

“Konstatoj personalisht veprën e tij madhore (Janullatosit) për lehtësimin e problemeve, jo vetëm të shqiptarëve të krishterë ortodoksë por edhe të gjithë shtetasve të tjerë në nevojë pavarësisht bindjeve fetare.

“Zoti President, uroj për ju, familjen Tuaj dhe të gjithë bashkëpunëtorët tuaj, një Vit të Ri, të lumtur e të suksesshëm. Me konsideratë e respekt, Theodoros Pangalos”