Niko Peleshi: 4 vitet e ardhshme do transformojnë Shqipërinë

Kryesuesi i listës së deputetëve të Qarkut të Korcës, Niko Peleshi ka nisur turin e dëgjesave publike nga Njësia Administrative Drenovë në Bashkinë e Korcës. Në takimin me banorët e kësaj Njesie Administrative Peleshi ka qënë i shoqëruar edhe nga Kryetari i Bashkisë Korcë Sotiraq Filo.

Dëgjesat publike janë duke u zhvilluar në të gjithë vendin, si një nisme e Kryeministrit Rama nën slloganin “Bashkëqeverisje me njerëzit”.

Peleshi e konsideroi mandatin e ardhshëm qeverisës si mandatin që do të transformojë Shqipërinë. “Gjithashtu në takimin me banorët e Drenoves Peleshi theksoi rëndësinë e këtyre degjesave të cilat do të adresojnë edhe punët dhe prioritet e qeverisë së ardhshme. Duke u ndalur edhe tek rezultatet e zgjedhjeve ne këtë Njësi, Peleshi falenderoi të gjithë banorët për mbështetjen e jashtëzakonshme që i kanë dhënë Partise Socialiste”,- tha Peleshi.