Paditet në Prokurori Ministri i Brendshëm Tahiri

Këshilli i Lartë i Drejtësisë, zhvilloi këtë të shtunë një mbledhje të jashtë radhe, të thirrur nga Kryetari i Këshillit, presidenti Bujar Nishani për të diskutuar lidhur me situatën e krijuar në sistemin gjyqësor pas deklaratave të ministrit të brendshëm Saimir Tahiri kundër gjyqtarit Arjan Aliaj. Sipas një njoftimi të shpërndarë për mediat KLD i konsideron akuzat si “sulme të papranueshme, fyese dhe kërcënuese”.

“Gjatë diskutimeve, – thuhet në njoftim – anëtarët e Këshillit, dënuan ashpër intimidimin që po i bëhet gjyqtarit z. Arjan Aliaj në veçanti por dhe trupës gjyqësore në tërësi, ku në përfundim, Këshilli vendosi të bëjë kallëzim penal pranë Prokurorit të Përgjithshëm, ndaj ministrit të Punëve të Brendshme z. Saimir Tahiri”.