Pandeli Majko: “Rrëzimi i kufirit” përdoret në rastet e embargove

Teksa i është përgjigjur deklaratave të deputetit demokrat, Tritan Shehu, i cili e akuzoi atë si iniciator të idesë për ndryshimin e kufijve, ministri për Diasporën Pandeli Majko shprehet se  “Rrëzimi i kufirit” si term, përdoret në rastet e embargove.

Reagimi i plotë i ministrit Pandeli Majko

Tritan Shehu ka deklaruar se ideja për ndryshimin e kufijve e hapur së fundmi…”E mori zanafillën në një deklaratë të ministrit Majko… në një ambient të papërshtatshëm duke hedhur një ide të tillë që nga janari kryeministri do rrëzojë kufirin Shqipëri-Kosovë.” (!?) (As serbi Gjuric nuk e rëndoi kaq shumë këtë deklaratë të pathënë)

Të lidhësh dëshirën për lëvizjen e lirë të njerzve dhe mallrave midis Shqipërisë dhe Kosovës, me temën ndryshimit të kufijve është papërgjegjshmëri. Kjo temë është dakordësuar midis Shqipërisë dhe Kosovës dhe u ripohua sërish nga Kryeministri Haradinaj gjatë vizitës së fundit në Vlorë.