Parakalimi i qeverisë në bulevard, Rama kalon semaforin me të kuqe

14 ministrat dhe kryeministri Edi Rama kanë bërë betimin sot para Presidentit të Republikës Ilir Meta në nisje të detyrës së tyre zyrtarisht. 

Pas ceremonisë në Presidencë ku u bë edhe një foto në grup, kryeministri Rama së bashku me ministrat kanë përshkruar rrugën e kthimit për në godinën e Kryeministrisë më këmbë.

Gazetarja e “News 24” Marsela Karapanço ka qenë gjatë gjithë kohës live, duke ndjekur hap pas hapi qeverinë e re në parakalimin e parë në Bulevardin “Dëshmorët e Kombit”, ndërsa pak njerëz kureshtarë ishin mbledhur.

Rama dhe ministrat kanë kaluar me të semafor të kuq pranë Presidencës, por ama janë ndalur tek semafori i dytë.

Në momentin që gazetarja i ka kërkuar një opinion për betimin në Presidencë, kryeministri i ka kërkuar të respektojë rregullat. “Respektoni semaforin”, i është drejtuar ai gazetares së News e “BalkanWeb”.