Pas intervistës së Berishës, ja çfarë qëndrimi mban Lulzim Basha një ditë më pas

Kreu i Partisë Demokratike, Lulzim Basha, sonte, ka theksuar se intervista e dhënë nga Sali Berisha ditën e djeshme ishte një shqetësim i drejtë, një analizë racionale dhe tepër e qartë.

Këtë deklaratë Basha e bëri në studion e Opinion, ndërsa tregoi se padyshim shërben për një reflektim për hapat që duhet dhe do të hedhim, duke nisur që nga kjo javë dhe ditët e muajt në vazhdim, për t’i dhënë Shqipërisë një opozitë ashtu siç e meriton vendi

Basha: Absolutisht që e kam lexuar të plotë intervistën e Sali Berishës, ka marrë vëmendjen që meritonte të merrte. Është një intervistë që shpreh shqetësime të drejta për gjendjen e Shqipërisë, për situatën e opozitës dhe Partinë Demokratike, të cilat padyshim shërbejnë për një reflektim për hapat që duhet dhe do të hedhim duke nisur që nga kjo javë dhe ditët e muajt në vazhdim për ti dhënë Shqipërisë një opozitë ashtu siç e meriton vendi. Ishte një intervistë analitike, racionale dhe tepër e qartë.