Pas shpalljes së emergjencës mjedisore, Rama uron ‘mirëmëngjes’ me këtë aksion të Forcave të Armatosura

Mëngjesin e sotëm kryeministri Edi Rama ia ka uruar qytetarëve me disa foto nga aksi Qafë Thanë – Pogradec.
Në foto, duket një aksion pastrimi në këtë aks rrugor e gjithashtu kreu i qeverisë bën me dije se Forcat e Armatosura janë çdo ditë në terren për të pastruar çdo centimetër rrugë.
“Mirëmëngjes, dhe ju uroj një ditë të mbarë me këto foto nga aksioni i pastrimit të aksit Qafë Thanë – Pogradec.
Pas shpalljes së emergjencës mjedisore, Forcat e Armatosura janë përditë në terren këto ditë të nxehta përgjatë çdo segmet rrugor, kufitar dhe bregdetar ku po pastrohet çdo cm rrugë, për Shqipërinë dhe Turizmin që duam, me mjedis të pastër,” shkruan Rama.