Patozi: Basha sëmundja e PD-së, e ndan partinë me vjehrrin dhe kunatin

Ish-deputeti i PD-së, Astrit Patozi i ftuar sonte tek emisioni “Opinion”, ka vendosur të flas “pa doreza” mbi situatën në të cilin ndodhet PD-ja . Ai është shprehur se Basha është sëmundja e PD-së dhe se ai tani po e ndan partinë me vjehrrin apo kunatin.

“Basha është sëmundja e PD-së. Edhe Berisha kur humbi iku, ndërsa ky bën garë farsë. Atij ia dhuruan partinë, e vodhi me marrëveshjen me Ramën dhe tani po ndan me vjehrrin dhe kunatin me ato farë listash që bëri”, tha Patozi.

Më herët ai pohoi se nuk do të kandidojë në garën për kryetar të PD-së. “Unë nuk do të kandidoj për kryetar të PD-së. Kam dy arsye të forta. Unë nuk do të kandidoj për shkak se PD sot nën drejtimin e Bashës është bërë gati të hapë një farsë elektorale. Do të thotë që çdo lloj gare minimalisht ka nevojë për disa kushte”,-u shpreh ai.

Më tej, ai tha se gara ka nevojë për disa kushte, Basha në shkelje të rëndë të statutit të PD-së, e hedhin në erë që ditën e parë procesin.