Patozi: E kemi gjetur njeriun që fiton garën në PD. Tani na duhet një që fiton përballë PS

Deputeti i PD-së Astrit Patozi ka ironizuar garën për kreun e Partisë Demokratike. Në një shënim në Facebook, Patozi sjellë një batutë të një miku të tij, i cili thotë se “Partia Demokratike e ka gjetur njeriun që e fiton gjithmonë garën brenda partisë. Tani i duhet të gjejë edhe një tjetër që të fitojë garën me partitë e tjera.”

Postimi i Patozit në Facebook:

PSE NUK E TREGOJ AUTORIN E BATUTËS

Një miku im i paangazhuar në politikë më shkruante dje në WhatsApp: “Partia Demokratike e ka gjetur njeriun që e fiton gjithmonë garën brenda partisë. Tani i duhet të gjejë edhe një tjetër që të fitojë garën me partitë e tjera.”

Emrin e autorit nuk po e them sot për dy arsye. E para, se nuk e kam marrë lejen e tij dhe nuk e di nëse kjo do t’i pëlqejë. Por më kryesorja, se kam frikë që kjo mund të ndikojë për të prishur paanësinë deri tani perfekte të Komisionit të Jemin Gjanës.