PD dhe PR regjistrohen në KQZ për zgjedhjet

Partia Demokratike dhe ajo Republikane janë regjistruar zyrtarisht në zgjedhje. Komisioni Qendror i Zgjedhjeve (KQZ), miratoi të premten regjistrimin e këtyre dy forcave politike si subjekte zgjedhore për zgjedhjet parlamentare të 25 qershorit. PD u regjistrua gjithashtu si subjekt zgjedhor edhe për zgjedhjet e pjesshme për kryetar bashkie në Kavajë.

Komisioni Zgjedhor regjistroi si subjekt zgjedhor dhe Lëvizjen Socialiste për Integrim që do të konkurrojë për zgjedhjet për kryebashkiak në Kavajë.

Regjistrimi i dy partive të djathta, PD dhe PR, erdhi pas vendimit të opozitës për futjen e saj në zgjedhje.