PD pret përgjigje për negociatat. Rama nis fushatën

Partia Demokratike paraqiti sot gjithë argumentet e saj për çështjen negociatave. PD dhe aleatët deklarojnë se kanë pranuar çdo pikë të paraqitur nga ndërkombëtarët për zgjidhjen e krizës politike, ku më kryesorja kanë hequr dorë nga posti i Kryeministrit dhe nga numërimi elektronik. Pika tjetër që pranon PD është dhe votimi pa kushte i ligjit të vetingut. E vetmja kërkesë është shtyrja e zgjedhjeve përtej 18 qershorit.

Pas kësaj tërheqjes pozitive të PD-së, topi ka kaluar në fushën e Kryeministrit Edi Rama. Pritet që mazhoranca të mbajë një qëndrim për ofertën e fundit të koalicionit opozitar.

Por teksa gjithë vendi është në ankth se çfarë do të ndodh me zgjedhjet, bojkotin e PD-së dhe stabilitetin politik, kryeministri Edi Rama nuk ka këtë shqetësim. Të paktën kjo ide të krijohet teksa shesh axhendën e sotme publike të Kryeministrit. Në orën 13:00, Kryeministri ka vizuar një kopsht fëmijësh në zonën e “Kombinatit” në Tiranë. Nuk ka dhënë asnjë deklaratë publike dhe s’ka bërë asnjë komunikim zyrtar për krizën politik. Kryeministi vetëm ka shpërndarë drekën për fëmijët e kopshtit.

Orët e fundit janë vendimtare për negociatat dhe i vetmi person që duhet të flasë se ku ka ngecur marrëveshje është Edi Rama. Por në vend të kësaj, Rama ka zgjedhur të bëjë fushatë elektorale.