PD, PS e LSI miratojnë kreun e ri të KQZ, Avokaten e Popullit, Vettingun

Kuvendi i Shqipërisë ka miratuar me shumicë votash kryetarin e ri të Komisionit Qendror të Zgjedhjeve, Klement Zguri, për të cilin ka votuar pro 117 deputetë, ndërkohë Denar Biba është emëruar anëtar i KQZ-së me 113 vota. Avokatja e re e Popullit është Erinda Ballanca, e cila është votuar me 112 vota.

Ndërkohë, Kuvendi ka miratuar ndryshimet në Kodin Penal që sjellin ashpërsim të dënimit për blerjen e votave, ndryshime të cilat u miratuan me 123 vota pro. Ligji hyn menjëherë në fuqi pa shkuar tek Presidenti i Republikës.

Ligji për mediat audiovizive është miratuar me 118 vota pro, i cili detyron operatorët televizivë privat që të transmetojnë reklama pa pagesë.

Me shumicë votash janë miratuar edhe komisionet e Vettingut.