Përplasja me Ruçin. Vetëm një deputet i PD u ngrit të mbronte Berishën

Ashtu siç ishte parashikuar që përpara fillimit të seancës, marrëdhënia e Sali Berishës me kryetarin e ri të Kuvendit, Gramoz Ruçi, nuk do të jetë e karakterizuar nga qetësia dhe dashuria si ajo me ish-kryetarin Ilir Meta.

Ish-kryeministri mori fjalën duke shmangur deputetin tjetër demokrat, Genc Pollo, por edhe kësaj here, Berisha kishte më shumë për të thënë se çfarë ofron minutazhi në Kuvend. Ruçi u tregua i prerë kur vendosi të mos i jepte më shumë minuta në dispozicion Berishës, çka ngjalli reagimin e vetëm një deputeti demokrat në sallë.

Edhe këtë radhë ishte Flamur Noka ai që u shpreh i gatshëm t’i jepte minutat e tij ish-kryeministrit, por kjo nuk u pranua nga Ruçi. Deputetët e tjerë të PD-së nuk ndërhyn, por duartrokitën në fund fjalimin e ish-kryetarit.

Ruçi i pret fjalën Berishës: Mos më detyro të …