Petrit Vasili: Zhiva e eurobarometrit do të jetë e përzierë me kanabis

Kreu i deputetëve të LSI-së, Petrit Vasili ka reaguar sot për shifrat e një studimit të Eurobarometri-t, i cili raporton se më shumë se 55 përqind e shqiptarëve janë të kënaqur me situatën ekonomike.

Në një shënim në Facebook, Vasili hedh dyshime mbi këtë studim. “Barometrat punojnë me zhivë dhe kjo zhiva e eurobarometrit do të jetë me siguri e përzierë me kanabis, nga ajo që trazon mendjen dhe xhepat e disave….”,- shkruan Vaslili.

Postimi i plotë në Facebook:

“Eurobarometri na tregon se shqiptaret na qenkan shumë të lumtur, sepse janë shumë të varfër.

Eurobarometri na thotë edhe që megjithëse janë tre herë e kusur më të varfër se europianet, prapë së prapë shqiptarët qenkan shumë të gëzuar që janë kaq të varfër.

Barometrat punojnë me zhivë dhe kjo zhiva e eurobarometrit do të jetë me siguri e përzierë me kanabis, nga ajo që trazon mendjen dhe xhepat e disave….

Gallupi na thotë qartë, që shqiptaret duan të ikin në masë nga Shqipëria, por Gallupi përdor zhivë të pastër me sa duket”.