Policia ”blindon” Ramën në Cërrik, PD nxjerr pamjet (VIDEO)

Kreu i qeverisë, Edi Rama, ndodhet në Elbasan në kuadër të Panairit të Punës. Gjatë vizitës në Cërrik, sipas PD-së, qytetarët të cilët kanë dalë për të protestuar paqësisht, janë ndaluar nga kordoni i policisë që i ndan ata nga takimi i Ramës me administratën.

Gjatë protestës së demokratëve në Elbasan pati dhe konfrontime me policinë, ku kreu i PD për Elbasanin, Aurel Bylykbashi, dhe protestuesit kanë debatuar me nëndrejtorin e Policisë se Elbasanit, Blerim Berbati, i cili ka qenë në krye të detyrës.

Pas protestës reagoi dhe deputeti demokrat, Luçiano Boçi, i cili tha se është cinike dhe tallje që të hapësh një panair pune në qytetin e Elbasanit më të madh të papunësisë.

Ai tha se pjesa më e madhe e të rinjve kërkojnë fatet në botë. Boçi shtoi se ky është një procesion tallës me ato çadra t’i hedhësh hi syve elbasanasve.