Policia: Po kërkohet një person me emrin Amant Josifi, është 35-vjeç

Autoritetet spanjolle kanë lëshuar një urdhër-arresti për Amant Josifin, pronar call-center në Shqipëri.

Media më e madhe spanjolle “EL PAIS” shkruan se ai ka lidhje me politikën e lartë si dhe është këshilltar i Ministrisë së Mbrojtjes.

Ky zbulim është bërë pas aksionit që u iniciua nga policia spanjolle dhe që çoi në kontrolle dhe arrestime në Shqipëri.

Për biznesmenin Josifi, gazetari Lavdërim Lita dha detaje të reja në një intervistë me gazetaren Esmeralda Mulaj në Euronews Albania, ku u shpreh se grupi ku ndodhej 35-vjeçari ka mashtruar rreth 200 mijë persona në Europë.

Mashtrimet sipas gazetarit kapin shifrën e 2 miliardë eurove.

“Amand Josifi është 35-vjeç. Ai ka studiuar në Greqi dhe Francë, ka qenë këshilltar në Ministrinë e Mbrojtjes. Gjithçka ka nisur në 2020 kur autoritetet spanjolle kanë kërkuar nga Policia shqiptare të hetojë Armand Josidin dhe një sërë personash të tjerë sepse mendohej se ishin një grup ndërkombëtar që bënin mashtrim përmes internetit Forex. Grupi ka mashtruar rreth 200  mijë persona në Gjermani dhe Suedi dhe vende të tjera. Kjo kap një shifër prej 2 mld euro mashtrime. 6 call center që funksionin në Shqipëri kanë arritur të bëjnë 15 mln euro në muaj përmes skemave të ndryshme të investimeve fake. Gjithçka ishte një skemë mashtrimi”, u shpreh ai.