Presidenca kërkesë zyrtare KQZ: Sa është numri i deputetëve sot në Kuvend?

Presidenca i ka kërkuat sot në rrugë zyrtare Komisionit Qendror të Zgjedhjeve që të informojë për numrin aktual të deputetëve të Shqipërisë, pas djegies së mandateve nga ana e PD dhe LSI.

Sekretari i Përgjithshëm i Presidencës, në dokumentin zyrtar parashtron gjithë bazën ligjore për kërkesën dhe përgjigjen e dy pyetjeve:

• Cili është numri aktual i mandateve të deputetëve të Shqipërisë në shkallë vendi?
• Vënia në dispozicion e listës emërore të deputetëve aktualë të Kuvendit të Shqipërisë për çdo zonë zgjedhore, për çdo subjekt, si dhe listat emërore të deputetëve aktualë në shkallë vendi

Sipas ligjeve të vendit, kur Parlamenti nuk ka përmbushur numrin e përcaktuar 140 deputetë mund të kërkohet shpërndarja e tij.