Presidenti Ilir Meta i shpreh ngushëllimet familjarëve të Florenc Beqirajt

Vdekja e Florenc Beqiraj në Francë, në rrethana ende të paqarta ka sjellë reagimin e institucioneve më të larta të shtetit.

Zëdhënësi i Presidentit të Republikës, Tedi Blushi, bisedoi me familjarët e Florenc Beqiraj, u shprehu ngushëllimet e Presidentit Meta e njëkohësisht u bëri me dije mbi interesimin e tij  për sqarimin e rrethanave që çuan në humbjen e jetës së Florencit.

Zëdhënësi informon se Presidenti Meta bisedoi me Ambasadorin e Shqipërisë në Francë për të mundësuar sjelljen e trupit të tij të pajetë në Shqipëri në një kohë sa më të shpejtë.