Presidenti Ilir Meta, konferencë për mediat

Presidenti i Republikës Ilir Meta do të dalë sot në një konferencë urgjente për mediat.

Zyra e shtypit e Presidencës njoftoi se konferenca do të zhvillohet në orën 14:15, në Institucionin e Presidencës.

Presidenca nuk ka dhënë informacione mbi temën e konferencës, por kriza politike dhe përplasjet në qytete të ndryshme të vendit për pushtetin vendor pritet të jenë çështjet kryesore.

Ndërkohë pak më herët, Këshilltari i Presidentit të Republikës për Sigurinë, Bahri Shaqiri, sqaroi në një komunikim me median përmbajtjen e letrës së kreut të shtetit për qeverinë lidhur me marrjen e masave për fatkeqësitë natyrore. Shaqiri konfirmoi se presidenti u ka dërguar një kërkesë zyrtare dhe konfidencale institucioneve për marrjen e masave.