Presidenti komenton raportin me Ramën, Bashën dhe doktor Berishën

Presidenti Ilir Meta, i ftuar në emisionin “Opinion” në Tv Klan, ka komentuar dhe raportet e tij institucionale me liderat e tjerë politik, si Berisha, Rama dhe Basha.

Meta ka theksuar se raportet e tij institucionale janë normale, ndërsa raportin me ish-kryeministrin Berisha e ka konsideruar një raport të veçantë.

“Me doktorin është një raport krejt i veçantë. Ka një afeksion mes nesh. Raportet e mia institucionale kanë qenë dhe mbeten bashkëpunuese dhe shpresoj që dhe të tjerët të jenë të tillë.  Me Ramën jemi takuar disa herë, edhe vetëm për vetëm dhe kemi folur për çështje të ndryshme. Jemi takuar dhe me Bashën”, ka deklaruar Meta.