Presidenti Meta: Ja marrëdhënia që do kem me Ramën

Ilir Meta po flet për herë të parë pas betimit si President i Republikës. Meta u betua pasditen e sotme, duke marrë zyrtarisht postin e Kreut të Shtetit.

Në studion e emisionit “Top Story”, Meta u ndal ndër të tjera dhe te marrëdhënia që do të ketë me kryeministrin Edi Rama si President.

Ai tha se do të bashkëpunojë me Ramën, me qeverinë, me opozitën, duke sqaruar se kjo është detyra e Presidentit.

“Unë jam bashkëpunues me të gjithë dhe padyshim që do jem bashkëpunues me kryeministrin Rama, me çdo kryeministër, me çdo qeveri, çdo opozitë. Kjo është detyra kryesore e Presidentit, të punojë për bashkëpunim dhe bashkëveprim”, deklaroi Meta.