Presidenti Meta pret Haradinaj: Më shumë bashkëpunim me Kosovën

Kreu i shtetit Ilir Meta është takuar ditën e sotme me kryeministrin e Kosovës, Ramush Haradinaj.

Në një koment në Facebook për takimin, Presidentit shkruan: “Kënaqësi të takoja sot Kryeministrin e Republikës së Kosovës, Ramush Haradinaj. Theksova rëndësinë e intensifikimit të mëtejshëm të shkëmbimeve ekonomike, tregtare, arsimore, turistike, kulturore dhe të gjitha formave të tjera mes dy vendeve tona. I shpreha angazhimin tim për bashkëpunim të ngushtë me institucionet e Kosovës në interes të rritjes së mëtejshme të njohjeve ndërkombëtare e forcimit të perspektivës evropiane si dhe inkurajova vazhdimin e dialogut me Serbinë, në funksion të paqes dhe stabilitetit të rajonit”.