Prezantimi i qeverisë së re, PD e LSI mbledhin grupet parlamentare

Partia Demokratike dhe Lëvizja Socialiste për Integrim kanë mbledhur mëngjesin e sotëm grupet parlamentare, 1 orë para nisjes së seancës së gjatë parlamentare.

Në seancën që do të nisë në orën 10:00 do të prezantohet qeveria e re si dhe programi qeverisës për 4 vitet e ardhshme.

Seanca pritet të jetë maratonë, sepse përveç prezantimeve do të ketë edhe diskutime nga deputetët.

Debatet pritet të jenë të nxehta nisur edhe nga zhvillimet e ditëve të fundit dhe akuzave të përditshme që vijnë në adresë të qeverisë nga LSI-ja dhe PD.