Prokuroria kërkon heqjen e mandatit për dy deputetë

Prokuroria e Përgjithshme kërkon heqjen e mandatit për dy deputetë të Parlamentit, pasi kanë fshehur të dhënat në formularin e dekriminalizimit.

Burime nga organi i akuzës bëjnë me dije se deputetët janë; Aqif Rakipi (PDIU) dhe Gledion Rehovica (LSI).

Kërkesa e Prokurorisë është firmosur nga Shefja e Sektorit të Dekriminalizimit, Rovena Gashi, e cila kërkon nga KQZ ndërprerjen e mandatit për dy deputetët.

Burimet nga KQZ thanë se dosja sapo ka mbërritur në këtë institucion dhe po shqyrtohet. Dyshohet se deputetët kanë gënjyer për të kaluarën e tyre në formularin e dekriminalizimit, në lidhje me problemet që kanë pasur në të shkuarën me drejtësinë.

Sipas Prokurorisë, rezulton se dy deputetët nuk kanë deklaruar emra që kanë përdorur në Itali dhe rezultojnë të arrestuar për vjedhje. Të dhënat kanë dalë nga gjurmët e gishtave dhe mësohet se janë dërguar nga Interpol Roma.