Prokuroria verifikon listat e kandidatëve për deputetë të PS

Prokurori i Përgjithshëm Adriatik Llalla ka konfirmuar sot se prokuroria i ka verifikuar dhe po i verifikon listat e kandidatëve për deputetë të subjekteve politike për zgjedhjet parlamentare të qershorit nëse janë konform ligjit të dekriminalizimit.

Nga verifikimet paraprake të listës së PS-së ka rezultuar se disa kandidatë ishin me probleme, por ata nuk ishin vendosur më në listën përfundimtare.

“Verifikuam listën e Ramës për kandidatët për deputetë, – u shpreh Llalla. – Rama na e solli paraprakisht listën dhe ne konstatuam që disa persona prekeshin nga ligji i dekriminalizimit. Këta individë kemi konstatuar se nuk janë përfshirë në listën përfundimtare të kandidatëve,” tha ai.