Protesta, deputetja e LSI: Deri në rrëzimin e qeverisë Rama

Deptutetja e LSI-së, Kejdi Mehmetaj, deklaron se Rama dhe qeveria e tij nuk e kanë të gjatë, pasi tani qytetarët i kanë parë gabimet që ata kanë bërë. E ftuar në studion e ”Report Tv”, Mehmetaj sqaroi se vendimi për nisjen e protestave në vend nuk ishte vetëm i LSI-së por edhe i qytetarëve pasi vetë ata do të përcaktojnë edhe përmasat e këtyre protestave.

”Ne nuk do ndalemi me kaq, do vijojë me gjitha grupet e interesit. Do bëjmë protestë deri sa kjo qeveri të mos jetë më. E them me bindje se Rama dhe kjo qeveri nuk e kanë të gjatë. Populli është këtu, i ka sytë në ballë, dëgjon e shikon, ndaj dhe kjo nuk mund të tolerojë më”,theksoi deputetja e LSIs-ë.

E pyetur se pse LSI mban një qëndrim të ashpër ndaj ndërkombëtarëve, Mehmtaj u shpreh se kryetarja e LSI-së, nuk ka mbajtur qëndrime të ashpëra.

”Nuk di që Kryemadhi të ketë mbajtur qëndrime të ashpra ndaj ndërkombëtarëve. Qëndrimet e kolegëve nuk mund t’i komentoj. Ndërkombëtarët janë në Shqipëri për të kryer funksione, por pasojat i vuajmë ne, për sa kohë kemi një qeverisje të papërgjegjshme. Roli i ndërkombëtarëve duhet të ishte më i qartë. Qëndrimi i LSI është që duhet të jemi ne që garantojmë të ardhmen dhe zgjidhet nuk mund t’i presim nga jashtë”.