PS i përgjigjet Bashës për “sulmin” ndaj Ramës: Mbylli çadrën për ca poste qeveritare

Partia Socialiste i është përgjigjur kreut të PD-së Lulzim Basha, i cili pak më parë me anë të një statusi në ‘Facebook”, akuzonte kryeministri Rama se i gënjeu qytetarët dhe do ti gënjejë përsëri.

Lidhur me këtë PS shkruan se Basha e mbylli çadrën për ca poste qeveritare dhe tani përpiqet tu mbushë mendjen qytetarëve.

Reagimi i plotë

Pasi mbylli çadrën për ca poste qeveritare, Z. Basha po përpiqet tani të na mbushë mendjen se ka hallin e qytetarëve dhe problemeve të tyre. Ata që kundërshtuan dhe humbën me Vetting-un, do të humbin gjithashtu në betejën për të fituar zemrat e shqiptarëve. Ata që luftuan për Vetting-un dhe fituan, do të fitojne edhe betejën gjatë katër viteve të ardhshme për më shumë vende të reja dhe dinjitoze pune.