PS kundër arrestimit të Saimir Tahirit. Këshilli me dy raporte në Kuvend

Ka përfunduar në orën 18:00 mbledhja me dyer të mbyllura e Këshillit të Mandateve, Rregullores dhe Imunitetit, për imunitetin e ish-ministrit Saimir Tahiri.  Këshilli shqyrtoi provat e organit të akuzës lidhur me ish-ministrin.

Këshilli nuk ka arritur konsensus mes mazhorancës dhe opozitës për të dalë me një qëndrim të përbashkët. Në seancë do të ketë dy raporte.

PS i qëndron vendimit për të mos dhënë autorizim për arrestimin e Tahirit, duke kërkuar vetëm që të hetohet. Ndërkohë që PD dhe LSI kërkua që të miratohej kërkesa e Prokurorisë për t’i hapur rrugë hetimit dhe të vërtetuar akuzat.

Nasip Naço, deputet i LSI tha se “në Kuvend do të shkojnë dy raporte, nga PS dhe nga PD. Opozita mbështet kërkesën e Prokurorisë Fjalën e fundit do ta thotë Kuvendi”

Deputeti i PD, Enkelejd Alibeaj u shpreh se “PS votuan kundër dhënies së autorizimit për arrest, ata janë kapur nga krimi e mafia”. Ndërsa deputeti tjetër i PD, anëtar i Këshillit, Gent Strazimi tha se “nuk është korrekte që të ndahet kërkesa e Prokurorisë. Këta të PS vendosën që ligjërisht thuhet që nuk është ky Saimiri që kërkohet nga Guardia di Finanza. Por edhe nëse është ai kjo është kërkesë politike”.

Deputeti i PS, Ylsi Manja tha se ne të PS “do t’i japim gjithë mbështetjen prokurorisë. Vetë Tahiri tha se është në dispozicion të Prokurorisë sa herë që ta thërrasin”.

Seancën e sotme, Prokuroria ka paraqitur prova të reja në ngarkim të çështjes “Habilaj”, ku sipas organit të akuzës rezulton i implikuar edhe deputeti i socialist. Mbledhja e kësaj të shtune vijoi diskutimet për rreth tre orë pa ndërprerje, ndërsa përfaqësuesit e prokurorisë, Besim Hajdarmataj, Elisabeta Imeraj dhe Gentjan Osmani, informuan anëtarët e Këshillit të Mandateve për provën e re që ka të bëjë më dëshminë e një efektivi të Policisë së Shtetit. Sipas organit të akuzës, kjo dëshmi implikon Tahirin në përfshirjen e tij në dosjen Habilaj, bashkë me provat e tjera të dala nga përgjimet.

ÇËSHTJA “TAHIRI”

Basha: Çfarë provash doni më?

Rama: Lulzim unë dua drejtësi, ti karrigen

Kryemadhi: Rama do tërhiqet. Shumë shpejt zgjedhje të parakohshme

Zagani: Do vijë të dëshmojë kundër Tahirit

Balla: PS po bënë çdo gjë për drejtësinë ndaj Tahirit

LSI: Sot vendoset, luftë ndaj drogës, ose qeveri e drogës

“PS ka tepsinë, si mund t’ua burgos Tahirin opozita që s’ka asgjë në dorë?”