“Pse u dorëzove para Bashës, ke humbur gjysmën e elektoratit”, Rama i përgjigjet komentuesit

Marrëveshja e arritur mes kryeministrit Edi Rama dhe kryedemokratit Lulzim Basha në 18 maj është komentuar mjaft nga analistë dhe politikanë të ndryshëm.

Por kjo marrëveshje nuk ka kaluar pa u komentuar edhe nga qytetarët dhe mbështetësit e partive politike.

Në një status të publikuar nga kryeministri, një qytetar i shkruan Ramës se me këtë lëvizje që ka bërë është dorëzuar para kreut të PD, Lulzim Basha si dhe ka humbur gjysmën e elektoratit. Por kryeministri i është përgjigjur se marrëveshja është në interes të Shqipërisë.

Komentuesi: Leri ato po pse u dorëzove përpara Bashes Edi se me kte lëvizje ke humbur gjysmën e elektoratit

Replika e Ramës: Mos i qaj hallin elektoratit Kristo se nuk është budalla populli qe ta shikoje si dorëzim një marrëveshje ne interes te Shqipërisë; për Vetingun; për Zgjedhje te Pakontestuara; për negociatat me Bashkimin Europian.