Qëndrimi i LSI për Vettingun. Vasili: Jetik për drejtësinë, asgjë nuk mund ta ndalë

Kryetari i Lëvizjes Socialiste për Integrim, Petrit Vasili nëpërmjet një statusi në Facebook shprehet se Vettingu është proces jetik për drejtësinë në Shqipëri.

Vasili  shkruan se reforma në drejtësi ka mbështetjen e plotë të LSI-së për të ecur përpara.

Sipas tij, asnjë pengesë nuk mund ta ndalë këtë proces pa kthim. “Vettingu, është një proces jetik për drejtësinë në Shqipëri. Ne do të japim mbështetjen tonë absolute që ky proces të ecë para, dhe që të mos ketë asnjë pengesë që e ndal atë. Konsensusi politik i 22-23 korrikut për Vettingun është provë e soliditetit juridik e moral të tij”,- shkruan Vasili.