Rama: Basha ka vetëm një talent. Merret me pantallonat e mia

Kreu i Partisë Socialiste Edi Rama, ka qenë në Ksamil me kultivuesit e midhjeve, ku  nuk i ka kursyer as batuta me qytetarët.

Ai ka ironizuar edhe kryedemokratin Lulzim Basha për të cilin ka thënë se e ka talent mashtrimin duke besuar verbërisht në gënjeshtrat që thotë.

“Demokratët e kanë simbolin me ne. Po fituan PD nuk fitojnë asgjë. Votojnë një dhe marrin dy. Me ata votojnë dhe marrin…

Mirë se tani do të bëjmë dhe pak shaka se kemi që në mëngjes që flasim nën diell. Nuk e di se thotë Luli mos trego barcaleta. Dhe rri dhe merret me pantallonat e mia. Një herë u thotë çitjane një herë u thotë poture, një herë u thotë tirqe. Nuk e di lloj -lloj. Çfarë barcalete? Këto janë të gjitha të vërteta. Çfarë barcalete?

Thotë të tërë fëmijët do të hanë falas në shkollë. Me kujtohet kur thoshte votoni per mua dhe cmimin e bukes do ta marre bashkia. Dhe dilte me bukë në fushatë dhe thoshte është shumë e shtrenjtë, këta janë krimet e Edi Ramës.  Ai ka një talent të madh. Ai e beson gënjeshtrën. Del tani thotë që jam kryeministri i ekonomisë” nënvizoi Rama.