Rama: I kam mbyllur veshët për padinë e LSI-së, kanë dalë nga shinat

“I kam mbyllur veshët sepse ndjehem shumë i sëkëlldisur kur dëgjoj aleatët tanë që janë shkuar jashtë shinave të arsyes”. Janë fjalët e kryeministrit Edi Rama në një intervistë për gazetaren Ilva Tare në Ora News.

A është LSI ende aleat për Edi Ramën?

“Aleatët tanë të këtyre 44 muajve me të cilët kemi bërë shumë punë të mira, kemi bërë reforma që nuk janë bërë në çerek shekulli, po sulmojnë punët më të mira të kësaj qeverie. Është një situatë për të ardhur keq, ndihem shumë në siklet sepse nuk dëshiroj fare të ndodhë diçka e tillë por është jashtë mundësive të mia për ta penguar të ndodhë”- thotë Rama.