Rama ironizon Bashën: Luli dil të lozim, zgjedhjet filluan

Kryeministri Edi Rama ka vijuar edhe këtë pasdite me ironitë e tij ndaj kreut të opozitës Lulzim Basha.

Rama ka postuar në profilin e tij në rrjetin social Facebook një fotografi në të cilën shfaqen disa arinj që e ftojnë Bashën të dalë nga çadra dhe të luajë me ta.

“Luli o luli dil të lozim! Zgjedhjet filluan e nuk e ka më njeri mendjen tek ti”, shkruhet në fotografinë e postuar nga kreu i qeverisë Rama.

Më herët Kryeministri Rama, tha se në këto zgjedhje Partia Socialiste del më e sigurtë se tre vite e gjysmë më parë, e bindur se mund të bëhet shtet. Por ai shpreh keqardhje që Partia Demokratike zgjodhi rrugën e bojkotit.